Afsonaviy VERTU: brend vakili bilan hashamat va eksklyuzivlik haqida intervyu

Hashamatli telefonlari bilan mashhur VERTU brendi yaqinda Toshkentda noyob kolleksiyani namoyish etdi. VERTU va Shveytsariya hashamatli soat brendlarining rasmiy distribyutori Bizcon Group bosh direktori Pulat Salixov bilan suhbatda VERTU telefonlarining asosiy xususiyatlari va o'ziga xos jihatlari, shuningdek kompaniyaning kelajak rejalari va joriy kollaboratsiyalari muhokama qilindi.

Rasmiy VERTU butigi

Magtymguly ko'chasi, 1A

+998 90 183 88 88

vertu.uz

@vertu.uz.official

HILL: Toshkentda taqdim etilgan VERTU liniyalari haqida so'zlab bering.

P. S.: Butigimizda innovatsion texnologiyalar, nafis dizayn va o'ziga xos materiallarni uyg'unlashtirgan bir nechta eksklyuziv VERTU telefon liniyalari mavjud. Asosiylari quyidagilar. VERTU Signature V. O'ziga xos dizayni hamda qimmatbaho metall va toshlardan foydalanishi bilan tanilgan klassik liniya. Bu telefonlar qo'lda tayyorlanadi va yig'ilish sifati ajoyib. VERTU Aster P. An'anaviy mahorat bilan zamonaviy texnologiyalar uyg'unligi. Telefonlar titan, teri va sapfir oynadan tayyorlangan bo'lib, ularga uzoq muddatlilik va premium ko'rinish beradi. Metavertu. Biznes mijozlarga mo'ljallangan, yuqori unumdorlik va ma'lumotlar himoyasini taklif etuvchi liniya. Telefonlar alyuminiy va teridan tayyorlanadi, noyob xavfsizlik funksiyalari hamda WEB3 texnologiyasi qo'llab-quvvatlanadi. Metavertu 2. Metavertu liniyasining davomi bo'lib, model yanada quvvatli protsessor va sun'iy intellekt asosidagi yordamchi bilan to'ldirilgan. Albatta, dizayn yanada o'ziga xos va tanish bo'ldi. VERTU Iron Flip. Ochiladigan korpusli bu telefon an'anaviy dizayn elementlari va zamonaviy texnik yechimlarni uyg'unlashtirib, uni betakror qiladi.

HILL: Zamonaviy VERTU dizaynida qanday materiallar, ranglar va teksturalar ishlatiladi?

P. S.: Zamonaviy VERTU telefonlari premium materiallardan foydalanish an'anasini davom ettiradi. Titan — yengilligi va mustahkamligi bilan mashhur, telefon korpuslari uchun asosiy material. Sapfir oyna ekranlar uchun ishlatiladi, bu ularni tirnalishga chidamli qiladi va parchalanish ehtimolini kamaytiradi. Yuqori sifatli teri — buzoq, timsoh, kaltakesak — orqa panellar uchun turli rang va teksturalarda mavjud. Qimmatbaho toshlar va metallar — oltin, platina, olmoslar eksklyuziv modellarni bezashda ishlatiladi. Rang yechimlari klassik qora va jigarrangdan tortib qizil, ko'k yoki to'q sariq kabi jasur va yorqin tuslargacha o'zgarib turadi.

HILL: VERTU kim uchun yaratilgan?

P. S.: VERTU telefonlari turli foydalanuvchilarga mo'ljallangan. Yosh foydalanuvchilar. Yorqin dizayn va zamonaviy funksiyalarga ega Metavertu modellari. Tadbirkorlar va ishbilarmonlar. Yuqori xavfsizlik va funksionallikni taklif etuvchi Aster P va Iron Flip liniyasi. Badavlat mijozlar. Signature V modellari — noyob va nafis buyumlar shinavandalari uchun eng hashamatli va eksklyuziv modellar.

HILL: "Uzbekistan" yozuvli maxsus VERTU modeli haqida batafsilroq so'zlab bering.

P. S.: Milliy ramzlarga ega maxsus VERTU modeli an'anaviy mahorat va O'zbekiston madaniyatiga hurmatning o'ziga xos uyg'unligidir. Model 18K oltin elementlari (sof oltin miqdori — 75 foiz) va O'zbekiston davlat gerbi bilan bezatilgan. Istovchilar barcha VERTU telefon modellarining teri va metall elementlariga individual o'ymakorlik buyurtma qilishlari mumkin.

HILL: VERTU'ning maqsadli auditoriyasi qanday, u iPhone xaridorlari bilan kesishadimi?

P. S.: VERTU va iPhone haqiqatan ham maqom ko'rsatkichi bo'lib xizmat qilishi mumkin, biroq ular turli toifadagi iste'molchilarga mo'ljallangan. VERTU shunchaki telefon emas, balki noyob va qimmat materiallardan qo'lda yaratilgan san'at asaridir. U noyoblik, individuallik va alohida sifatni qadrlovchilar uchun mo'ljallangan. Innovatsiya va zamonaviy texnologiyalarga intiluvchi yosh foydalanuvchilar uchun iPhone yaxshi tanlov bo'lishi mumkin. Ammo shunchaki zamonaviy telefondan ko'proq narsani izlayotganlar uchun VERTU birinchi raqamli tanlov bo'lib qoladi.

Shunchaki zamonaviy telefondan ko'proq narsani izlayotganlar uchun VERTU birinchi raqamli tanlov bo'lib qoladi.

HILL: VERTU maxsus kolleksiyalar yaratish uchun rassomlar bilan hamkorlikni rejalashtiryaptimi?

P. S.: VERTU har doim yirik hamkorliklari bilan mashhur bo'lgan. Bunga misol — Ferrari va Bentley bilan birgalikda ishlab chiqilgan modellar. Bugun VERTU nafaqat brendlar, balki san'atkorlar va taniqli shaxslar bilan ham hamkorlik qiladi. Biz miniatyura rasmlariga ixtisoslashgan O'zbekistonning eng yaxshi rassomlari bilan hamkorlikni rejalashtirmoqdamiz. Axir bizda boy tarix, noyob naqshlarning ajoyib to'plami bor, shu sababli biz bu hamkorlikni amalga oshirishimiz shart!

HILL: Butigingiz yana qanday premium xizmatlarni taklif qiladi?

P. S.: Telefonlarning o'zidan tashqari, VERTU konsyerj-xizmatni taklif etadi. Xizmat kechayu kunduz mavjud bo'lib, foydalanuvchilarga restoran band qilish, sayohatlarni tashkil etish, tadbirlarga chiptalar topish, xarid bo'yicha maslahatlar va hatto shaxsiy samolyot buyurtma qilish kabi turli vazifalarni hal qilishda yordam beradi! Bu xizmatdan foydalanish VERTU telefon egalari uchun eksklyuzivlikning bir qismi bo'lib, uning premium maqomini ta'kidlaydi.

HILL: Brendning kelajak rejalari qanday?

P. S.: VERTU mobil telefonlar dunyosida har doim hashamat va eksklyuzivlik ramzi bo'lgan va shunday bo'lib qolmoqda. Brendning qayta tiklanishi uning ilg'or texnologiyalarni qo'l mehnati mahorati va yuqori sifatli materiallar bilan uyg'unlashtira olishidagi o'ziga xos qobiliyati bilan bog'liq. Ommaviy ishlab chiqarish ko'pincha individuallikdan ustun keladigan zamonaviy dunyoda VERTU o'zgacha narsani taklif etadi: nafaqat o'z funksiyalarini bajaradigan, balki egasining uslubi va maqomini aks ettiruvchi san'at asari bo'lgan qurilma. VERTU'ning kelajagi juda istiqbolli ko'rinadi. Brend mijozlarga aloqa va xizmat sohasida eng yaxshi yechimlarni taqdim etish uchun texnologiyalarni rivojlantirishni va takomillashtirishni davom ettirmoqda.

HILL: VERTU'ning O'zbekistondan kutgan umidlari qanday?

P. S.: O'zbekiston — boy madaniy an'analar va jadal rivojlanayotgan iqtisodiyotga ega mamlakat. Biz bu bozorda ulkan salohiyat va premium hamda eksklyuziv tovarlarga ortib borayotgan qiziqishni ko'ramiz. VERTU'ni O'zbekistonda taqdim etish orqali biz egalarining individualligi va maqomini ta'kidlay oladigan premium va lyuks segment buyumlariga bo'lgan talabni qondirishga intilamiz. Taxminlarimiz tasdiqlandi: do'konni ochishimiz bilanoq VERTU telefonlarini nafaqat poytaxt aholisi, balki qo'shni mamlakatlar fuqarolari ham sotib ola boshladi.